जिल्ला प्रशासन कार्यालय रुकुम पुर्वले नागरिकलाई जिल्ला निर्वाचन कार्यालयमा नाम दर्ता गराउन अनुरोध गरेको छ । प्रशासनले आज एक सुचना जारी गर्दै जिल्ला प्रशासन कार्यालयमा नागरिकता लिन आउने प्रत्येक नागरिकले जिल्ला निर्वाचन कार्यालयमा गई मतदाता नामावलीमा नाम दर्ता गराउन अनुरोध गरेको हो ।
गृह मन्त्रालय शान्ति सुरक्षा तथा अपराध शाखाको परिपत्र अनुसार प्रशासनमा नागरिकता लिन आउने नागरिकलाई निर्वाचनमा गई मतदाता नामावलीमा नाम दर्ता गराउन अनुरोध गरेको प्रमुख जिल्ला अधिकारी राजकुमार राईले बताउनुभएको छ ।
विश्वभरी महामारीको रुपमा फैलिरहेको कोरोना भाइरसको जोखिमलाई मध्यनजर गर्दै एकै पटक दुई वटा काम हुने भएकाले नागरिकहरुको सहजताको लागि मतदाता नामावलीमा नाम दर्ता गराउन अनुरोध गरिएको प्रजिअ राईले बताउनुभयो । उहाँले भन्नुभयो प्रत्येक नागरिकले एक पटक मतदाता नामावली बनाउदै पर्छ त्यसैले अव प्रशासनमा नागरिकता बनाउन आउनेहरुलाई यस्तो आग्रह गरेका हौ । प्रजिअ राईका अनुसार जिल्ला निर्वाचन कार्यालयमा गई मतदाता नामावलीमा नाम दर्ता गराउन अनिवार्य भने गरिएको छैन ।
रुकुम पुर्व भौगोलिक दृष्टिकोनले विकट तथा सदरमुकाम बाहेक अन्य ठाउँका नागरिकहरुलाई पटक पटक जिल्ला धाउदा पैसा तथा कोरोनाको जोखिम दुवै हुने भएकाले नागरिकता बनाउन आउदा निर्वाचनमा पनि नाम दर्ता गराउन नागरिकलाई आग्रह गरिएको जिल्ला प्रशासन कार्यालय रुकुम पुर्वले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
