दाङको राजपुर गाउँपालिका वडा नं. ५ जंग्रहवामा तीन सय बढी सत्तारुढ नेपाल कम्युनिष्ट पार्टी (नेकपा)मा प्रवेश गरेका छन् । उनीहरुले जिल्लाबाट प्रतिनिधित्व गर्ने केन्द्रीय सदस्यहरुले पार्टी प्रवेश गराएका थिए ।
कांग्रेसको गढको रुपमा स्थापित यो क्षेत्रका स्थापित नेता नेपाली कांग्रेसका पूर्व क्षेत्रिय सचिव तथा हाल नेपाली कांग्रेसका क्षेत्रिय प्रतिनिधि भोगेन्दसिंह राजपुतको नेतृत्वमा तीन सय बढी व्यक्ति नेकपामा प्रवेश गरेका हुन् ।
नेकपा राजपुर गाउँपालिका कमिटिका अध्यक्ष चक्रबहादुर खड्का(शिखर)को अध्यक्षता तथा नेकपाका केन्द्रिय सदस्य एवं दाङ जिल्ला ईञ्चार्ज जीवन गौतमको प्रमुख आतिथ्यतामा सम्पन्न कार्यक्रममा भएको थियो ।
कार्यक्रममा केन्द्रिय सदस्य तथा प्रतिनिधि सभा सदस्य मेटमणी चौधरी, केन्द्रीय सदस्यहरु निर्मल आचार्य, इन्द्रजीत थारु, नारायणी शर्मा, दामा शर्मा, प्रदेश सदस्य रेवतीरमण शर्मा र गंगा चौधरी तथा जिल्ला सचिव तुलसीराम पुन ‘सुवास’लगायतले पार्टी प्रवेश गराउनुभएको थियो ।
घनश्याम चौधरीको स्वागत मन्तब्यबाट सुरु भएको कार्यक्रमको सहजीकरण नेकपा राजपुर गाउँपालिकाका प्रवक्ता भिम ओलीले गर्नु भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
