रुकुमपश्चिमको मुसीकोट नगरपालिका वडा न ९ मा रहेको चुनखोला पहिलो र चुनखोला दोस्रो लघुजलबिधुत आयोजना आजबाट सुचारु भएको छ ।
भदौ ३ गते राति परेको अविरल वर्षापछि आएको बाढी पहिरोले उक्त आयोजनाको चार सय मिटर पाइप र पच्चीस मिटर नहर बगाएपछि वडामा रहेका चार सय घरधुरी अन्धकारमा बस्न बाध्य भएका थिए ।
वडा कार्यालयको पहलमा र वडा अध्यक्ष नवीन ओलीको प्रत्यक्ष कमान्डमा खटेको एक दिनको चालीस जनाका दरले पाँच दिनसम्म गरिएको एक सय बीस दिनको श्रमदान र एक लाख पचास हजारको लगानीमा नहर निर्माण गरिएको हो ।
वडाका दुबै आयोजनाहरु सुचारु भएर वडाका चार सय घरधूरीका दुइ हजार दुइ सय जना मानिस उज्यालोमा बस्न सफल भएका छन ।
पुरिएको स्वास्थ्य चौकी दुई दिनको मेहेनतपछि सेवा प्रवाह गर्न अवस्थामा पुगेको वडा अध्यक्ष नवीन ओलीले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
