रुकुम पश्चिमकाे चाैरजहारी नगरपालिकाकाे कृषि शाखाले विभिन्न वडामा ९ हजार बाेट बेर्ना वितरण गरेको छ । ११ वटा वडामा ९ हजार फलफुलका बेर्ना वितरण गरेको हाे ।
नगरलाई कृषिमा अात्मनिर्भर बनाई अार्थिक समृद्धि बनाउन जनप्रतिनिधि निर्वाचित भएर अाएदेखि नै नगरलाई कृषि पकेट क्षेत्र घाेषणा गरि नगरपालिकाले कृषिमा लगानी बढाइरहेको छ ।
नगरलाई फलफूलमा अात्मनिर्भर बनाउन विगत केही बर्षदेखि नगर कृषि शाखाले फलफुलका बेर्ना पनि वितरण गरिरहेकाे छ । याे बर्ष पनि नगरपालिकाकाे कार्यक्रम अनुसार कृषि शाखा मार्फत विभिन्न वडामा ९ हजार फलफुलका बर्ना गरिएको हाे । वडा न. १ , २ , ३ , ७ , ८ , ९ , ११, १२ , १३ , १४ वडामा ३ लाख ५० हजार बजेटले ९ हजार फलफुलका बेर्ना वितरण गरेको नगर कृषि शाखा प्रमुख बिमल खड्काले बताए ।
उनका अनुसार कृषकले माग गरे अनुसार कागती , अनुसार , सुन्तला र अलैंचीकाे बेर्ना वितरण गरिएको हाे । अहिले चाैरजहारीमा फलफुल जिल्ला बाहिरबाट अायात हुन्छ उनले भने हामीले सुरुदेखि वितरण गरेका फलफुल फल्न सुरु गर्ने हाे भने नगर फलफुलमा अात्मनिर्भर भई कृषककाे अार्थिक अवस्था पनि सुधार हुन्छ ।
किसानले लगाएको फलफुल सहजै बजारसम्म पुर्याउन वडा न. ११ मा फलफुल संकलन केन्द्र बनाउने तयारी छ भने अावश्यकता अनुसार चिस्यान गृह बनाउँछाै कृषि शाखा प्रमुख खड्काले भने किसानले बाेलाएकाे खण्डमा कृषि प्राविधिक किसानकै बारीमा पुग्ने ब्यवस्था पनि छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
