जिल्लामा जनप्रतिनिधिहरुले नै राहत वितरण गर्न मरिहत्ते गर्ने गरेको अबस्थामा दाङको एउटा वडाले भने युवालाई राहत वितरणको जिम्मा दिएको छ । दाङको घोराही उपमहानगरपालिका वडा नं. ४ ले युवाहरुको सर्वपक्षिय, सर्बदलिय समिति बनाएर युवाहरुकै पहलमा वडामा राहत वितरण गरिएको छ ।
वडामा भएको सर्वपक्षिय, सर्वदलिय भेलाले अनेरास्ववियू दाङका नेता गिरबहादुर महराको नेतृत्वमा २० जना युवाहरुलाई राहत व्यबस्थापन तथा वितरणको जिम्मा दिएको थियो ।
राहत वितरणको जिम्मा पाएपछि आफुहरुले वडाका सबै टोल विकास संस्थाका पदाधिकारी तथा समाजका अगुवाहरुसंग समन्वय गरि अत्तिविपन्न, गरीब घरपरिवाको सूचि तयार पारेर राहत वितरण गरेको महराले बताए । “ हाम्रो वडामा युवाहरुलाई राहत वितरणको जिम्मा दिईयो, राहत पाएपछि हामीहरु प्रत्येक टोलका पदाधिकारी तथा अगुवाहरुसंग समन्वय ग¥यौं” उनले भने“ यसले गर्दा बास्तविक सबै गरीब तथा अत्तिविपन्नले राहत पाए, विवादरहित ढंगले राहत वितरण ग-यौं ।’ लकडाउनले गर्दा दैनिकी चलाउन धौ–धौ भएका वडा भित्रका ४२ वटा टोलका सबै जनाको पहिचान गरि राहत वितरण कार्य समेत गरिएको उनले बताए ।
उनका अनुसार वडाका ५ सय ३६ घर परिवारलाई खाद्यान्न उपलब्ध गराएको हो । ति घरपरिवारलाई चामल, दाल, नुन, तेल, साबुन उपलब्ध गराईएको हो । वडाले १० हजार ६ सय किलो चामल, ५ सय ३६ किलो दाल, २ सय ६८ लिटर तेल, ५ सय ३६ किलो नुन र ७ सय ६ पिस साबुन वितरण गरिएको वडाध्यक्ष भिमबहादुर सार्कीले बताए । युवाहरुले जिम्मेवारी पाए हरेक काम प्रभाबकारी हुने घोराहीका युवा नरेन्द्र पुन (पुन काजी) ले सामाजिक सञ्जालमा प्रतिक्रिया दिएका छन् ।
साथै राहत वितरण कार्य स्वच्छ, प्रभाबकारी तथा मर्यादित भएका राजनीतिक दलका प्रतिनिधीहरुले प्रतिक्रिया दिएका छन् । वडाध्यक्ष भीमबहादुर साकीले पनि वडामा निश्पक्ष ढंगले प्रभाबकारी रुपमा राहत वितरण भएको प्रतिक्रिया दिए । वडामा युवाहरुले राहत वितरण तथा ब्यबस्थापन गरेको र वडाले त्यसको अभिभावकत्व ग्रहण गर्ने कार्य गरेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
