छोरी एञ्जिला भुसालको जन्मदिनको अवसरमा दाङ उद्योग वाणिज्य संघका अध्यक्ष नारायण भुसाल र श्रीमती सुशीला भुसालले बेसहारा नागरिकका लागि सहयोग गर्नुभएको छ ।
उहाँहरुले राप्ती गाउँपालिका ८ पिपरीमा रहेको निलीसागर सेवा आश्रमका बेसहाराका लागि सहयोग गर्नुभएको हो ।
भुसाल दम्पत्ति र छोरी एञ्जिलाले चार बोरा चामल, एक बेरा च्यूरा, दश किलोग्राम नून, दश किलोग्राम दाल र पाँच लिटर तेल आश्रमका सदस्य कुलदीप न्यौपानेलाई हस्तान्तरण गर्नुभएको हो ।
जन्मदिनमा लाग्ने खर्च बेसारा नागरिकका लागि सहयोग गर्न पाउँदा खुशी लागेको भुसाल परिवारको भनाइ छ ।
अब हरेकले आफू मात्र खुशी हुने होइन, आफ्नो खुशीयाली समाजका बिपन्न र दुःखसँग संघर्ष गरिरहेकाहरुसँग साट्नुपर्ने उहाँले बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
