प्रतिनिधिसभा सदस्य रेखा शर्माले राम्री बस दुर्घटनाका मृतकका परिवारलाई क्षतिपूर्ति दिन सरकारसँग माग गर्नुभएको छ ।
उहाँले प्रतिनिधिसभा बैठकमा यस्तो माग गर्नुभएको हो ।
भर्खरै सञ्चालनमा आएको सहिद कृष्णसेन इच्छुक बहुप्राविधिक शिक्षालयका विद्यार्थीहरु अवलोकन भ्रमण गरेर फर्कने बेला राम्रीमा दुर्घटनामा परेको, २३ जनाको निधन र १४ जना घाइते भएको सदनलाई जानकारी गराउँदै उहाँले घाइतेहरुको प्रभावकारी उपचारको माग गर्नुभयो ।
सरकारले निशुल्क उपचार गराउने भनिए पनि औषधि किन्नेलगायतका कठिनाइ देखिएकाले यसलाई प्रभावकारी बनाउन उहाँले सरकारको ध्यानाकर्षण गराउनुभयो ।
त्यस्तै मृतकका परिवारलाई क्षतिपूर्तिको ब्यवस्था गर्न माग गर्दै उहाँले बर्षेनी हुने सवारी दुर्घटना रोक्न प्रभावकारी योजना बनाउनुपर्ने धारणा राख्नुभयो । सडक र सवारी साधनको अवस्थामा सुधार ल्याउन पनि उहाँले सरकारको ध्यानाकर्षण गराउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
