दाङदेखि रोल्पा जाँदै गरेको जीप दुर्घटना हुँदा एक यात्रुको ज्यान गएको छ । आइतबार तुलसीपुरदेखि माडीको घोर्नेटी जाँदै गरेको मे १ ज १९१५ नम्बरको जीप त्रिवेणी गाउँपालिका–४ हृवापखोलामा दुर्घटनाग्रस्त भएको थियो ।
प्रहरीका अनुसार दिउँसो साढे १ बजे चिप्लो बाटोमा जीप पल्टिएको थियो । जीपमा झुण्डिएर यात्रा गरिरहेका माडी गाउँपालिका–१ तुसारपानीका ३७ वर्षका मनसुर वलीको ज्यान गएको प्रहरीले बताएको छ ।
रोल्पाका प्रहरी प्रमुख प्रहरी नायब उपरीक्षक चित्रबहादुर गुरुङका अनुसार जीपमा सवार १५ जनामध्ये २ जना घाइते भएका छन् । अन्य यात्रुहरु सकुसल छन् । प्रहरीले जीप चालक माडी–१ का हरि वलीलाई नियन्त्रणमा लिएको छ
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
