विप्लव नेतृत्वको नेकपा दाङका सदस्य इश्वरी पाण्डे पश्चिम दाङबाट गिरफ्तार हुनुभएको छ । उहाँलाई एम्बुलेन्स चढेर सादा पोशाकमा गएको प्रहीले पक्राउ गरेको हो । तुलसीपुर ९ शिवनगरबाट उहाँ पक्राउ परेको नेकपास्रोतले जनाएको छ ।
त्यस्तै दाङका दलित नेता भीमबहादुर विश्वकर्माले रोल्पामा पार्टी परित्याग गर्नुभएको छ । दलित मुक्ति मोर्चाको केन्द्रीय सदस्य विश्वकर्माले पार्टी परित्यागको घोषणा गरेको प्रहरीले जनाएको छ।
घोराही उपमहानगरपालिका वडा नंम्बर १२ बेलभारका विश्कर्मालाई प्रहरीले पक्राउ गरी गत असार ८ गते रोल्पा लगेको थियो । विश्वकर्मालाई जिल्ला प्रशासन कार्यालयमार्फत सार्वजनिक शान्ति विरुद्धको कसुर अन्तरगतको मुद्धा चलाइएको थियो।
गत साउन ३ गते जिल्ला प्रशासन कार्यालयले ५० हजार रुपैया धरौटी तोकेकोमा धरौटी तिर्न नसक्दा सोही दिन जिल्ला कारागार रोल्पा चलान गरिएको थियो । प्रहरीको समन्वयमा आईतवार विश्वकर्माले धरौटी रकम तिरि प्रेश बिज्ञप्ती जारी गर्दै पार्टी समेत परित्याग घोषणा गर्नुभएको हो ।
पार्टी छोड्छु भनेपछि आफन्त र सत्तारुढ नेकपाका कार्यकर्ताले धरौटी तिरेर उनलाई कारागारबाट छुटाएका थिए।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
