दाङमा ६६ प्रतिशत मतदान भएको छ ।
दाङ जिल्लामा प्रदेश सभा सदस्य निर्वाचन क्षेत्र ३(२) र घोराहि उपमहानगरपालिका वडा नं १६ को भएको निर्वाचनमा यति मत खसेको हो ।
दुबै स्थानमा कूल मतदाता ७३ हजार १ सय ७२ मध्ये ४८ हजार ९ सय ४४ मत अर्थात ६६.८९ प्रतिशत खसेको हो ।
जसअनुसार प्रदेशसभा ३(२) मा जम्मा मतदाता ६८ हजार ७ सय १९ मध्ये ४५ हजार ७ सय १८ मत खसेको छ, जुन ६६.५३ प्रतिशत हुन आउाछ । जसमा महिला २५ हजार ५९० र पुरूष २० हजार १ सय २८ रहेका छन् ।
यस्तै घोराही उपमहानगरपालिका वडा नं १६ मा जम्मा मतदाता ४ हजार ४ सय ५३ रहेकोमा ३ हजार २ सय २६ मत खसेको छ । जुन ७२.४४ प्रतिशत हुन आउँछ । जसमा १ हजार ८ सय ८, महिला र १ हजार ४ सय १८ पुरुष रहेका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
