दाङ। दाङ प्रहरीले अवैध रूपमा नदीजन्य पदार्थ ओसारपसार गर्ने सवारीसाधन नियन्त्रणमा लिएको छ । जिल्ला प्रहरी कार्यालय दाङका अनुसार साउन १४ गतेदेखि साउन २१ ग्तेसम्म ११ वटा ट्र्याक्टर र एउटा टिप्पर गरी १२ वटा सवारीसाधन नियन्त्रणमा लिइएको छ ।
जिल्ला प्रहरी कार्यालय दाङ तथा मातहतका प्रहरी कार्यालयबाट खटिएका प्रहरी टोलीले जिल्लाका विभिन्न स्थानमा चेकजाँच गर्ने क्रममा अवैध रूपमा ढुंगा, बालुवा र गिट्टी ओसारपसारमा संलग्न सवारीसाधन नियन्त्रणमा लिएको हो ।
प्रहरीका अनुसार नियन्त्रणमा लिइएका सवारीसाधनलाई आवश्यक कारबाहीका लागि सम्बन्धित निकायमा बुझाइएको छ । ती सवारीसाधनका सम्बन्धित व्यक्तिबाट चार लाख ३० हजार रुपैयाँ जरिवाना समेत असुल गरिएको जिल्ला प्रहरी कार्यालय दाङले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
