नयाँ जिल्लाको मान्यता पाएको साढे दुई वर्षपछि जिल्ला अस्पताल उद्धघाटन
नयाँ जिल्लाको मान्यता पाएको साढे दुई वर्षपछि रुकुम (पूर्व) मा जिल्ला अस्पताल उद्धघाटन भएको छ । आज एक कार्यक्रका बिच प्रदेश नम्वर ५ का मुख्य मन्त्री शंकर पोखरेले रिवन काटेर अस्पतालाको उद्धघाटन गर्नभएको हो ।

जिल्ला अस्पताल उद्धघाटन भएसंगै जटिल प्रकृतीको रोगको उपचारको लागी रुकुम (पश्चिम), दाङ, नेपालगञ्ज, काठमान्डौ, चितवन जाने जिल्लाबासी बाध्यता अन्त्य भएको छ । जिल्लाको सिस्ने गाउँपालिका वडा नम्बर ५ स्थित रुकुमकोट स्वास्थ्यचौकी भएकै ठाउँमा जिल्ला अस्पताल उद्धघाटन गरिएको छ । उद्धघाट कार्यक्रममा बोल्दै मुख्यमन्त्री पोखरेलले अव रुकुम पूर्वका स्थानीय स्वाथ्य सेवाबाट बन्चित नहुने बताउनुभयो ।

यो भन्दा पहिला जिल्ला बासी समान्य उपचारको लागि बाहिर जिल्लामा जाने गरेको बताउदै उहाँले अवका दिनमा जिल्लामा नै जटिल प्रकृतीको रोगको उपचार पाउने बताउनुभयो । जनताले स्वास्थ्य सेवा शुलव र सहज रुपमा लिन सकुन भनि सरकारले स्वास्थ्य बिमाको अवधारण ल्याएकोले अव स्वास्थ्य बिमा मार्फत जनताले स्वास्थ्य सेवामा शुलव र सहज रुपमा स्वास्थ्य सेवा पाउने उहाँले बताउनुभयो ।

जिल्लालाई अग्रानिक जिल्ला बनाएर स्थानीयको पोषणमा ख्याल गर्न जिल्लाका स्थानियतहहरुलाई आग्रह गर्नुभयो । स्थानीयरुपमा उत्पादित खाद्यलाई प्रबर्दन गर्दै गाउँमै फलेका तरकारी र गाउँमै उत्पादन गरेका अन्नबालीको प्रयोग गरि स्वस्थ रहन उहाँले जिल्ला बासीलाई आग्रह गर्नुभएको छ ।

जिल्ला अस्पतालको लागि आवश्यक पर्ने जग्गा गाउँपालिकाले उपलब्ध गराइसकेको छ । यसअघि स्वास्थ्यचौकीको नाममा १४ रोपनि जग्गा रहेको थियो । गाउँपालिकाले २१ रोपनि जग्गा दिएसगै ३५ रोपनि क्षेत्रफलमा अस्पतालका भौतिक पर्वाधार निर्माण गरिने छ ।

जिल्ला अस्पताल ५० शैयाको हुने प्रतिनिधिसभा सदस्य कमला रोकाले बताउनुभयो । संघिय र प्रदेश सरकारको संयुक्त पहल, लगानि र निर्णयमा अस्पताल बनेको उहाँको भनाइ छ । संघ र प्रदेश सरकारको पहलमा जिल्लामा अस्पतालको लागि आवश्यक अन्य भौतीक संरचना स्थापनाको लागि आवश्यक कामकाज लगत्तै सुरु हुने बताइएको छ ।

निरन्तरको प्रयासपछि रुकुम पूर्वमा जिल्ला अस्पताल स्थापना हुने भएको प्रतिनिधिसभा सदस्य रोकाको भनाई छ । गत पुसमा माघ २४ गते स्थापना भएको जिल्ला अस्पाताल लामो समय पति.छ आज उद्धघाटन भएको हो । जिल्लाको सिस्ने गाउँपालिका वडा नम्वर ५ रहेको जिल्ला अस्पतालको स्थपना गरिएको थियो । जिल्ला अस्पतालमा तिन ओटा भवन रहेको छ ।

जिल्ला समन्वय समिति गजेन्द्रबहादुर ओलीको अध्यक्षतामा भएको अस्पता उद्धघाटन कार्यक्रममा मुख्यमन्त्री पोखरेलको प्रमुख आतिथ्यता रहेको थियो । त्यस्तै कार्यक्रममा पूर्व आपुर्ति मन्त्री गणेशमान पुन, प्रतिनिधिसभा सदस्य कमला रोका, प्रदेश सभा सदस्य तेजबहादुर ओली, लगायतको आतिथ्यता रहेको थियो ।।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।