घोराही । पद्मोदय पब्लिक नमुना मावि घोराहीको विद्यालय व्यवस्थापन समिति सदस्यका लागि भएको निर्वाचनबाट चार सदस्य निर्वाचित भएका छन् ।

जसअनुसार सबैभन्दा धेरै मत लिएर बुद्धिराम पुन (१५५) निर्वाचित हुनुभएको छ । त्यस्तै भीमबहादुर पुन (१२०), सिर्जना पाण्डे रावत (१५९) र लिला सारु (१४९) निर्वाचित हुनुभएको छ ।

कूल ११ जना उम्मेदवारमध्ये चार चार जनाले दुई समूह बनाएका थिए । जसमध्ये एउटा समूहबाट बुद्धिराम र भीमबहादुर तथा अर्को समूहबाट सिर्जना र लिला निर्वाचित हुनुभएको छ । शनिवार भएको निर्वाचनमा ४१५ मत खसेको थियो ।

निर्वाचन अधिकृतमाथि भएको दुर्व्यवहारको छानविन सुरु
विद्यालय व्यवस्थापन समितिको निर्वाचन अधिकृतको रुपमा खटिएका घोराही उपमहानगर शिक्षा महाशाखाका शिक्षा अधिकृत अजय बोहोरामाथि मोबिल खन्याएर गरिएको दुर्व्यवहारको छानबिन सुरु गरिएको प्रहरीले जनाएको छ । घोराही–१५ का वडा सदस्य लेखनाथ बुढाथोकीले मोबिल छर्केर दुर्व्यवहार गरेका थिए । यो घटना विभिन्न क्षेत्रबाट चौतर्फी बिरोध भएको छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।