चिनियाँ राष्ट्रपति सी चिनफिङले बिहीबार सन् २०२६ लाई चीन-अमेरिका सम्बन्धमा नयाँ अध्यायको सुरुवात गर्ने एक “ऐतिहासिक र कोशेढुङ्गा सावित हुने वर्ष” बन्ने अपेक्षा व्यक्त गर्नुभएको छ।
बेइजिङ भ्रमणमा रहनुभएका अमेरिकी राष्ट्रपति डोनाल्ड ट्रम्पसँगको भेटवार्ताका क्रममा राष्ट्रपति सीले चीन र अमेरिकाबीच मतभिन्नताभन्दा साझा हितका विषयहरू बढी रहेको बताउनुभयो।
एक देशको सफलता अर्को देशका लागि अवसर भएको र स्थिर द्विपक्षीय सम्बन्ध विश्वकै लागि हितकर हुने उहाँले उल्लेख गर्नुभयो।
चीन र अमेरिका प्रतिद्वन्द्वी नभई साझेदार बन्नुपर्नेमा जोड दिँदै सीले दुवै देशले एकअर्कालाई सफल हुन र सँगै समृद्ध बन्न सहयोग गर्नुपर्ने र नयाँ युगमा ठूला देशहरूबीच मेलमिलापको सही बाटो पहिल्याउनुपर्ने बताउनुभयो।
”म हाम्रा दुई देश र विश्वका लागि महत्त्वपूर्ण रहेका प्रमुख मुद्दाहरूमा हाम्रो छलफलको अपेक्षा गर्दछु। साथै, चीन-अमेरिका सम्बन्धको विशाल जहाजलाई सही दिशा दिन र सन् २०२६ लाई एउटा ऐतिहासिक वर्ष बनाउन तपाईंसँग मिलेर काम गर्न चाहन्छु, जसले दुई देशको सम्बन्धमा नयाँ अध्याय खोल्नेछ,” सीले भन्नुभयो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
