दाङ । राष्ट्रिय स्वतन्त्र पार्टी (रास्वपा) बंगलाचुली गाउँपालिका वडा नं. ३ मा ११ सदस्यीय वडा कार्यसमिति गठन गरिएको छ।
नवगठित कार्यसमितिको सभापतिमा मिनराज खत्री, उपसभापतिमा चुरामणि खत्री तथा सचिवमा करूणा खत्री चयन हुनुभएको युवा नेता विक्रम डांगीले जानकारी दिएका छन्।
वडा तहमा पार्टी संगठनलाई थप सक्रिय, व्यवस्थित तथा प्रभावकारी बनाउने उद्देश्यले कार्यसमिति गठन गरिएको बताइएको छ।
यसैबीच, वडा कार्यसमिति गठन प्रक्रियालाई थप व्यवस्थित, प्रभावकारी र मार्गदर्शनमूलक बनाउन कैलाशचन्द्र घिमिरेको संयोजकत्वमा तीन सदस्यीय सल्लाहकार समिति समेत गठन गरिएको छ।
कार्यक्रममा रास्वपाका जिल्ला सचिव असिम भुषाल, भक्तबहादुर वली, विक्रम डांगी, नव क्षेत्री लगायतको उपस्थिति रहेको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
