दाङ ।जननायक वीपी कोइरालाले अदालतमा दिनुभएको बयान अब युट्युवमा सुन्न सकिने भएको छ ।
दाङबाट प्रकाशित हुँदै आएको गोरक्ष राष्ट्रिय दैनिकका लागि विपुल पोख्रेल र सुलोचना गौतमले निर्माण गरेको सो भिडियो सामग्रीमा भारत निर्वासन त्यागेर मेलमिलापको नीतिका साथ नेपाल आएका वीपी कोइरालालाई तत्कालिन पञ्चायति सरकारले गिरफ्तार गरी मृत्युदण्डको सजायसम्म हुनसक्ने गरी मुद्दा चलाएको थियो ।
ती मुद्दाका सन्दर्भमा वीपीले अदालतमा दिएको बयान कानुनी र राजनीतिक रुपमा अत्यन्त चर्चित साहित्य मानिन्छ ।
अमृतमान वलीले निर्देशन र दृष्यसम्पादन गरेको सो भिडियो सामग्रीमा वीपी कोइरालाको भूमिकामा डा.सुदिप गौतम देखिएका छन् । गौतमले वीपी को जस्तै आवाज निकाल्ने प्रयत्न गरेका छन् ।
त्यसैगरी सो मुद्दा हेर्ने न्यायाधिसको भूमिकामा विपुल पोख्रेल र अदालतमा प्रश्न सोध्ने कर्मचारीको भूमिकामा सुदन थापा देखिन्छन् । त्यसैगरी डा.नवराज लम्सालको पाश्र्व स्वर र सुनिल विसिको पाश्र्व ध्वनीको संयोजन सहित सो भिडियो सामग्री तयार भएको छ ।
वीपी कोइरालाको अदालतका बयानको भिडियो सामग्री बाएर नयाँ पुस्तालाई आफ्नै डिभाइसमा वीपीलाई सुन्ने र बुझ्ने अबसर प्राप्त होस् भन्ने चाहनाले यो सामग्री तयार गरी युटुवमा राखेको गोरक्ष दैनिकका प्रकाशक सुलोचना गौतमले बताइन् । सो भिडियो हेर्न यो लिंकमा जानु पर्ने जानकारी पनि उनले दिइन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
