देउखुरी। दाङको लमहीमा आज गोली चलेको छ। लमही नगरपालिका–५, लमही बजारस्थित ‘जुनतारा सुनचाँदी पसल’मा कार्यरत कालिगढलाई लक्षित गरेर गोली प्रहार गर्दै लुटपाट गरिएको प्रहरीले जनाएको छ।

गोली लागी कालिगढ दीपक सुनार सामान्य रूपमा घाइते भएका छन्। गोली प्रहार गर्ने व्यक्तिहरू घटनापछि फरार रहेको र उनीहरूको खोजी जारी रहेको प्रहरीले जानकारी दिएको छ। घटनास्थल सिल गरी प्रहरी अनुसन्धान अघि बढाइएको छ।

पसलका सञ्चालक सुमन सुनार कुलपूजाका लागि अर्घाखाँची गएको र शनिबार सार्वजनिक विदा भएकाले कालिगढलाई बोलाएर हमला गरिएको हुनसक्ने लमहीस्थित पत्रकार दिवाकर पोख्रेलले जानकारी दिनुभएको छ ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।