नेपाल कम्युनिष्ट पार्टी (नेकपा)को शक्तिशाली विभाग संगठन विभाग प्रमुखमा बामदेव गौतम र उपप्रमुखमा जनार्दन शर्मा चयन हुनुभएको छ ।
आज बसेको सचिवालयको बैठकले उहाँहरुलाइ चयन गरेको हो ।
गौतमलाई उपाध्यक्षको समेत जिम्मेवारी दिने अघि प्रस्ताव अघि बढाइएको छ ।
दुबै नेता पार्टीमा हक्की नेताको रुपमा चिनिनुहुन्छ । दुबै जना हाल सरकारी जिम्मेवारीमा हुनुहुन्न ।
गौतम सांसदसमेत हुनुहुन्न भने शर्मा रुकुमबाट प्रतिनिधिसभा सदस्य भए पनि मन्त्री पदमा हुनुहुन्न ।
दुबै नेता नेकपामा एकताको सूत्रधार पनि मानिनुहुन्छ ।
एकता भएको लामो समयसम्म पनि पूर्णता नपाएको र स्थानीयस्तरमा कार्यकर्ताहरुले महसुस गर्न नपाइरहेको बेला सरकारी जिम्मेवारीमा नरहेकाले नेताहरुलाई दौडधूप गर्न सजिलो होस् भने संगठन विभागको जिम्मेवारी दिइएको एक नेताले बताए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
