रुकुमपूर्वको सिस्ने गाउँपालिका ५ नम्बर वडा कार्यालयले अनलाइनबाट ब्यतिगत घटना दर्ताको सुरुवात गरेको छ । जिल्लाको सिस्ने गाउँपालिका ५ न वडा कार्यालयले जिल्लामै पहिलोपटक अनलाइन प्रणाली प्रयोगमा ल्याएको हो ।
पञ्जिकारण बिभागले ब्यतिगत घटना दर्ता सामाजिक सुरक्षा कार्यक्रम लाई आधारित बनाउदै रास्टिय परिचयपत्रको तथ्यांक सङग आबद्ध लक्ष्य सहित ब्यक्तिगत घटना दर्ता लाई अनलाइन बेसमा लागू गरिएको र त्यसको सुरुवात ५ न वडा कार्यालयबाट गरिएको सिस्ने गाउँपालिकाका प्रमुख प्रशासकीय अधिकृत बिमला रोका श्रेष्ठले जानकारी दिनुभयो ।
यो सिस्टम प्रयोगमा ल्याएसङगै अब ५ न वडा भित्र बसोबास गर्ने हरेक नागरिकले डिजिटल जन्म दर्ता बिबाह दर्ता मृत्यु दर्ता र ब्यक्तिगत घटना दर्ता प्रमाणपत्र प्राप्त गर्ने वडा अध्यक्ष शान्ते हादुर बिक ले जानकारी दिनु भएको छ ।
यसअघि वडाका विभिन्न प्रमाणपत्र तथा महत्त्वपूर्ण कागजात हराउने च्यातिने डर हुन्थ्यो वडा अध्यक्ष बि क ले भन्नुभयो अब अनलाइन बाट यी सेवा सुरु गरेपछि वडाका विभिन्न अभिलेखहरु राख्न सजिलो हुने भएको छ । उहाँका अनुसार यस अघि ५ न वडा भित्रका हरेक नागरिकले जन्म दर्ता बिबाह दर्ता मृत्यु दर्ता ब्यक्तिगत घटना दर्ता लगायत विभिन्न सिपारिस हस्तलिखित पाउदै आएका थिए ।
अब देखि भने ५ न वडाका हरेक नागरिकले यी सबै डिजिटल प्रमाणपत्र प्राप्त गर्ने छन । अनलाइन प्रणलीबाट ब्यक्तिगत घटना दर्तालाई सिस्ने गाउँपालिकाका ८ वटै वडामा क्रमिक रुपमा सञ्चालन गरिने सिस्ने गाउँपालिका अध्यक्ष कुमारी बराल गौतमले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
