प्रदेश ५ मा प्रदेश लोकसेवा आयोगको अध्यक्षमा प्राध्यापक डिलाराम भट्टराई नियुक्त हुनुभएको छ ।
प्रदेश प्रमुख उमाकान्त झाले प्रदेश लोकसेवा आयोग ऐन २०७६ को दफा ३ को उपदफा २ बमोजिमको सिफारिस समितिको सिफारिसअनुसार सोही ऐनको दफा ३ को उपदफा ३ बमोजिम भट्राइलाई नियुक्त गर्नुभएको हो ।
सन्धिखर्क १० अर्घाखाँची निवासी भट्टराई महेन्द्र बहुमुखी क्याम्पस दाङमा प्राध्यापक हुनुुहुन्थ्यो । यसअघि मुख्यमन्त्री संयोजकत्वको तीन सदस्यीय समितिले भट्टराईलाई अध्यक्षमा सिफारिश गर्ने निर्णय गरेको थियो ।
प्रदेश लोकसेवा आयोग गठनका लागि मुख्यमन्त्री,सभामुख र प्रमुख प्रतिपक्ष दलको नेता रहेको सिफारिश समिति रहने प्रदेश लोकसेवा आयोग ऐनमा व्यवस्था छ ।
समितिको सिफारिशको आधारमा मन्त्रिपरिषद्को बैठकले निर्णय गरेपछि प्रदेश प्रमुखले नियुक्त गर्ने ब्यवस्था छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
