जनज्योति पशुपंक्षी पालक कृषक सहकारी संस्था घोराही १५ को नवनिर्मित भवन र गाडीको उद्घाटन गरिएको छ ।
जिल्ला सहकारी संघका उपाध्यक्ष अञ्जनकुमार पौडेलले रिवर काटेर भवन र गाडीको उद्घाटन गर्नुभएको हो ।
प्रमुख अतिथि पौडेलले सहकारीहरु उत्पादनमा लाग्नुपर्नेमा जोड दिनुभयो । उत्पादन, बजारीकरण, वचत र लगानी सहकारीबाटै गर्न सके सहकारीकर्मीहरुलाई आत्मनिर्भर बनाउन सकिने उहाँले बताउनुभयो ।
सहकारीले घोराही उपमहानगरपालिका ६ अघरामा बाख्रापालन तथा कार्यालयका लागि भवन निर्माण गरेको छ । त्यस्तै सहकारीको सामग्री आपूर्तिका लागि सहकारीले एउटा गाडी पनि खरिद गरेको छ ।
संस्थाका अध्यक्ष टीका बुढाको अध्यक्षतामा भएको कार्यक्रममा नयाँ युगबोध दैनिकका सहसम्पादक नरेन्द्र केसी, सहकारीका ऋण उपसमिति संयोजक भुपेन्द्र रोका, सहकारी सञ्चालक समिति सदस्य सन्तोष चौधरी र भानुभक्ता पाण्डेले बोल्नुभएको थियो ।
सञ्चालक समिति सदस्य ओबिसरा बुढाको स्वागत मन्तव्यबाट शुरु भएको कार्यक्रम सञ्चालन अर्का सदस्य खेमप्रकाश बुढाले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
