घोराही । भोलि शनिबार लुम्बिनी प्रदेशका सबै जिल्लामा प्रतिगामी चिन्तनविरुद्ध सडक कविता वाचन कार्यक्रम हुने भएको छ।
प्रगतिशील लेखक सङ्घ, लुम्बिनी प्रदेशको निर्णयअनुसार सङ्घका जिल्ला शाखाहरूले आ–आफ्नो जिल्लामा कार्यक्रम आयोजना गर्ने प्रलेस लुम्बिनी प्रदेशका अध्यक्ष गोविन्द खड्काले जानकारी दिनुभएको छ।
यसै सन्दर्भमा प्रलेस दाङ शाखाको आयोजनामा घोराहीमा सडक कविता वाचन कार्यक्रम दिउँसो २ बजे हुने भएको छ।
कार्यक्रममा कविता सहित सहभागी हुन सम्पूर्ण गणतान्त्रिक स्रष्टाहरूलाई प्रलेस दाङले अनुरोध गरेको छ।
घोराहीको सहिद गेटमा कार्यक्रम हुने जानकारी प्रलेस दाङका सचिव पुरन शर्माले दिनुभएको छ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।