नेपाल आदिबासी जनजाती महासंघ (फोनिज) दाङ शाखामा ५० हजारको अक्षयकोष स्थापना भएको छ । घोराही निवासी अखिल नेपाल जनजाती सम्मेलनका केन्द्रीय सदस्य रामबहादुर जिएम तथा उहाँकी जीवन संगीनी यमसरी जिएमले स्वगीय छोरा बिजय जिएमको नाममा अक्षयकोष स्थापना गरेका हुन् ।
अक्षयकोषको स्वर्गीय छोरा बिजय जिएमको जन्मदिनका अवसरमा अक्षयकोषको घोषणा गरिएको हो । अक्षयकोषबाट प्राप्त भएको ब्याजबाट बार्षिक रुपमा बिजयको जन्मदिनका अवसरमा साउन २ गते एक जना पत्रकारलाई पुरस्कृत गर्ने कार्यक्रम रहेको छ ।
यसैबीच अक्षयकोषको औपचारिक कार्यक्रम गरी घोषणा गरिएको छ । फोनिज दाङका अध्यक्ष प्रेमबहादुर राम्जाको अध्यक्षतामा भएको कार्यक्रममा नेपाल पत्रकार महासंघ दाङका अध्यक्ष सबिन प्रियासन र विजयका बुवा रामबहादुर जिएमले मन्तव्य व्यक्त गरेका थिए ।
कार्यक्रमको सहजीकरण फानिज दाङका उपाध्यक्ष शिब घर्ती मगरले गरेका थिए । बिजय जिएमको गएको पुस ६ गते राम्रीमा भएको बस दुर्घटनामा परी निधन भएको थियो ।
कृष्ण सेन ईच्छुक बहुप्राबिधीक बिद्यालयमा अध्ययनरत जिएमको सल्यानको मुलपानीमा रहेको बनस्पति उद्यानको अध्ययन अवलोकन गरी फर्किने क्रममा दुर्घटनामा परी निधन भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
