घोराही । रोल्पामा यात्रुबहाक बसको ठक्करबाट एकजना पैदलयात्रुकोे घटनास्थलमै मृत्यु भएको छ ।
दाङको घोराहीदेखि रोल्पाको डुब्रिङ जाँदै गरेको रा १ ख २३५६ नम्बरको यात्रुबहाक बसले रुन्टीगढी–६ कानकुटे डाँडास्थित भित्रीसडक खण्डमा ठक्कर दिँदा रुन्टीगढी– ७ बलबाङ निबासी आन्दाजी ७५ वर्षीय बृद्धा मनबुझा विकको घटनास्थलमै मृत्यु भएको जिल्ला प्रहरी कार्यालय रोल्पाका इन्स्पेक्टर विजय चापागाईंले जानकारी दिए ।
पैदलयात्री बृद्धा मनबुझा विकलाई युत्राबहाक बसले मंगलबार दिउँसो ४ बजेर ३८ मिनेटकोे समयमा ठक्कर दिँदा घटनास्थलमै मृत्यु भएको इन्स्पेक्टर चापागाईंले बताए । घटनाभएको जानकारी पाए लगत्तै इलाका प्रहरी कार्यालय होलेरी रोल्पाका प्रहरी प्रमुख सरोज प्रजापतिको कमाण्डमा सातजनाको टोली घटनास्थलमा पुगेको उनले बताए ।
यो समाचार तयार पार्दासम्म घटना भएलगत्तै फरार रहेका बस चालक रुन्टीगढी गाउँपालिका– ५ भर्तिवनका निबासी ३४ वर्षीय लेखराज दशौदीलाई प्रहरीले नियन्त्रणमा ल्याएको छ । बस र मृतको शव घटनास्थलमै रहको र मुचुल्का उठाउने काम भइरहेको प्रहरीले जनाएको छ । घटनाबारे विस्तृत विवरण आउन बाँकी रहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
