अविरल रुपमा परेको वर्षासँगै आएको बढी तथा पहिरोमा परी मृत्यु हुनेको संख्या ३० पुगेको छ।
नेपाल प्रहरी प्रधान कार्यालयले दिएको जानकारी अनुसार शनिबार दिउँसो ३ बजेसम्म बाढी र पहिरोका कारण ज्यान गुमाउनेको संख्या ३० पुगेको हो।
प्रहरीले उपलब्ध गराएको तथ्यांकअनुसार अहिलेसम्म सबैभन्दा बढी ललितपुरमा ५ जनाको ज्यान गएको छ।
त्यस्तै खोटाङ, भोजपुर, काठमाडौं र काभ्रेमा ३-३, मकवानपुर, सिन्धुली, धादिङ, २-२ जना , इलाम, झापा, ओलखढुंगा, सुनसरी, पर्सा, बारा, रामेछाप, र चितवनमा १-१ जनाले ज्यान गुमाएका छन्।
यसैगरी बाढी र पहिरोमा परेर १८ जना बेपत्ता भएको प्रहरीले जनाएको छ। सिन्धुलीमा ४, भोजपुरमा ३, पाँचथर, झापा, मोरङ, सुनसरी, महोत्तरी, पर्सा, रौतहट, महोत्तरी, धादिङ र काठमाडौंका १-१ जना बेपत्ता भएकाे प्रहरीले जनाएकाे छ।
यस्तै बाढीपहिरोमा परी ११ जना घाइते भएका छन्। जसमा धादिङ र मकवानपुरका ३-३, काभ्रेका २, खोटाङ, सुनसरी, रामेछाप, धादिङ, दोलखाका १-१ जना घाइते छन्।
काठमाडौं उपत्यकासहित देशभरबाट १३३ जनाको उद्धार गरिएको छ भने थुप्रै ठाउँमा अहिले पनि उद्धार कार्य जारी रहेको प्रहरीले जनाएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
