दाङ। दाङमा स्कुल बसले ठक्कर दिदा एक युवकको मृत्यु भएको छ।
पुर्व पश्चिम राजमार्ग लमही-भालुवाङ सडकखण्डको बिजौरीमा आज बेलुका स्कुल बसले मोटरसाइकललाई ठक्कर दिँदा मोटरसाइकल चालक राप्ती गाउँपालिका-८ बिजौरीका करिब ३०/३१ वर्षका किसन बहादुर शाहीको मृत्यु भएको हो।
इलाका प्रहरी कार्यालय भालुवाङका अनुसार लालमटियास्थित रा १ क १४१८ नम्बरको गोरखा आइडियल बोर्डिङ स्कुल बसले रा ५ प २६०१ नम्बरको मोटरसाइकललाई ठक्कर दिँदा मोटरसाइकल चालक शाहीको घटनास्थलमै मृत्यु भएको हो ।
आक्रोसित स्थानीयले अहिले पुर्व पश्चिम राजमार्गको लमही भालुवाङ सडकखण्ड अवरुद्ध पारेका छन् ।
सोहि सडकखण्डमा हिजो बेलुका मालबाहक ट्रकले मोटरसाइकल चालकलाई ठक्कर दिदा मोटरसाइकल चालक राप्ती गाउँपालिका वडा नम्बर ३ बसन्तपुर निवासी वर्ष १८ को सोनु गुरूङको मृत्यु भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
