घोराही । दाङ जिल्ला उद्योग वाणिज्य संघका संस्थापक अध्यक्ष तोरणध्वज श्रेष्ठको निधन प्रति संघले शोक व्यक्त गरेको छ ।
मंगलवार संघका अध्यक्ष वसन्त जोशीको अध्यक्षतमा बसेको पुर्व अध्यक्ष सहितक बैठकले शोक मनाउने निर्णय गरेको हो ।
२०२७ सालमा स्थापना भएको संघका संस्थापक अध्यक्ष एवं पुर्व केन्द्रीय सदस्य श्रेष्ठको कात्तिक १८ गते साझ ८२ वर्षको उमेरमा काठमाडौंमा निधन भएको थियो । शोकको घडीमा सम्मान स्वरुप आज दिउसो तिन बजे सम्म बजार बन्द गर्न व्यवसायीलाई संघले अनुरोध गरेको संघका अध्यक्ष जोशीले सिस्ने अनलाइन जानकारी दिनु भयो ।
यसैगरी आज संघकाे कार्यालय बन्द गर्ने, तिन दिन सम्म संघकाे झण्डा आधा झुकाउने, संघमा शाेक पुस्तिका राख्ने र १३औं दिनमा श्रध्दाञ्जलि सभा गर्ने निर्णय गरिएको संघका महासचिव महेन्द्र बुढाथोकिले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
