घोराही । दाङमा मोटरसाइकल दुर्घटनामा परी एक युवकको मृत्यु भएको छ।
राप्ती गाउँपालिका वडा नम्बर ५ कमलरोडका २२ वर्षीय प्रेम राना मगरको मृत्यु भएको हो।
लमहीबाट गढवातर्फ जाँदै गरेको रा ७ प ४०७४ नम्बरको मोटरसाइकल अनियन्त्रित भई लमही नगरपालिका वडा नम्बर ५ बैंकरोड नजिकै सोमबार बिहान साढे ६ बजेतिर दुर्घटनामा परेको अवस्थामा फेला परेको थियो।
अचेत अवस्थाका फेला परेका मगरलाई लमही अस्पताल पुर्याएलगतै चिकित्सकले मृत घोषणा गरेको जिल्ला प्रहरी प्रवक्ता डिएसपी ईश्वर थापाले बताए ।
दुर्घटनाको समय यकिन भइनसकेको भए पनि बिहान मात्रै स्थानीयले देखेपछि प्रहरीलाई खबर गरेको वडा प्रहरी कार्यालय लमहीका प्रमुख प्रहरी निरीक्षक प्रकाश भुसालले बताए।
शव पोष्टमर्टमका लागि लमही अस्पतालमा राखिएको छ।
दुर्घटनाबारे थप अनुसन्धान भइरहेको प्रहरीले जानकारी दिएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
