दाङ। दाङमा आज विहानै भाइटिकाकै दिनमा १० जना जुवाडे पक्राउ परेका छन्।
जिल्ला प्रहरी कार्यालय दाङका अनुसार तुलसीपुर उपमहानगरपालिका वडा नम्बर १७ बनकट्टामा देवबहादुर वलीको घरमा जुवा खेलिरहेका १० जना जुवाडे पक्राउ परेका हुन्।
उनीहरूलाई नगद १ लाख ३३ हजार ११० सहित पक्राउ गरिएको जिल्ला प्रहरी कार्यालय दाङका प्रवक्ता डिएसपी इश्वर थापाले जानकारी दिनुभयो।
उहाँका अनुसार पक्राउ पर्नेमा सोहि वडाका ९ जना र १ जना तुलसीपुर-९ अश्वाराका रहेका छन्। प्रहरीले जुवाको खालबाट तुलसीपुर-१७ बनकट्टाका ५८ वर्षका भमी वली, ४९ वर्षका लुमा सहि बस्नेत, ३२ वर्षका नरबहादुर चौधरी, ५८ वर्षका केशरबहादुर वली, ३६ वर्षका शरद वलीलाई पक्राउ गरेको छ।
यस्तै सोहि ठाउँकै ३८ वर्षका सुशील वली, ४१ वर्षका रेखबहादुर वली, ४९ वर्षका मदन वली, ५१ वर्षका देवबहादुर वली (घरधनी) र तुलसीपुर -९ अश्वाराका ४९ वर्षका बालाराम भट्टराईलाई जुवाको खालबाट पक्राउ गरिएको प्रवक्ता थापाले बताउनुभयो। उनिहरूमाथि अनुसन्धान भइरहेको प्रहरीले जनाएको छ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
