दाङ। दाङको देउखुरीमा टिप्पर र मोटरसाइकल एक आपसमा ठोक्किँदा मोटरसाइकल चालकको मृत्यु भएको छ।
लमही–भालुवाङ सडक खण्ड अन्तरगत राप्ती गाउँपालिका–५ दोलाईखोला पुलको पुर्वतर्फ भएको दुर्घटनामा मोटरसाइकल चालक मुगुको स्वरू गाउँपालिका–६ बस्ने अन्दाजी वर्ष २५ का चित्रबहादुर शाहीको मृत्यु भएको हो ।
आज बेलुका पौने ५ बजेको समयमा पश्चिमबाट पुर्व जाँदै गरेको रा १ ख १९९८ नम्बरको टिप्पर र पुर्वबाट पश्चिमतर्फ जाँदै गरेको बा ६५ प ६६३३ नम्बरको मोटरसाइकल एक आपसमा ठोक्किदा मोटरसाइकल चालकको मृत्यु भएको हो ।
दुर्घटनामा गम्भीर घाइते भएका शाहीको सिसहनियाँ स्वास्थ्य चौकीमा उपचारका क्रममा मृत्यु भएको प्रहरीले जनाएको छ । टिप्पर र चालकलाई इलाका प्रहरी कार्यालय भालुवाङले आफ्नो नियन्त्रणमा लिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
