दाङ। दाङको तुलसीपुरमा एक युवती मृत फेला परेको प्रहरीले जनाएको छ ।
सल्यान कपुरकोट गाउपालिका ४ गाडापानी घर भइ हाल दाङको तुलसीपुरको श्रीगैमा कोठा भाडा लिएर २ वटा छोरा छोरी सहित बस्दै आएकी २८ बर्षकि मिना कठायत मृत भेटिएको ईलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो । उहाँका अनुसार मिना हिजो शुक्रबार देखि घरपरिवारसँग सम्पर्क विहिन हुनुभएको थियो ।
त्यसपछि खोजतलास गर्दै जाने क्रममा तुलसीपुर ३ को अंगेरी खोलामा मृत अवस्थामा फेला परेको भनेर मृतकका ससुरा कर्ण बहादुर कठायतले प्रहरीलाई खबर गर्नुभएको हो । अहिले इ.प्र.का तुलसीपुरबाट इन्स्पेक्टर प्रकाश थापाको कमाण्डमा ५ जनाको टोली घटनास्थलमा पुगेको छ । मृतकका श्रीमान विदेशमा रहेको र माइति घर खिलतपुरबाट पनि माइतिहरु घटना स्थलमा पुगिसकेको प्रहरीले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
