दाङ। राप्ती स्वास्थ्य विज्ञान प्रतिष्ठान दाङले बिमा उपचार सेवाका कारण ऋणमा परेको भन्दै बिमा उपचार सेवा रोक्ने चेतावनी दिएको छ । स्थानीय राजनीतिक दलका प्रमुख, प्रतिनिधि, स्थानीय सरकारका प्रतिनिधि, मानवअधिकारकर्मी, पत्रकार तथा नागरिक समाजलाई प्रतिष्ठानमै बोलाएर आफू ऋणमा परेको भन्दै बिमितको उपचार गर्न नसकिने अवस्था सिर्जना भएको जानकारी दिएको छ ।
प्रतिष्ठानका उपकुलपति डा विकास लामिछानेले बिमा उपचार सेवा तथा डायलासिस र सिकलसेल उपचारबापत सरकारले प्रतिष्ठानलाई १२ करोड १५ लाख ८४ हजार ४ सय ६७ रुपैयाँ भुक्तानी नदिएको बताए ।
सरकारले भुक्तानी नदिँदा आफूहरूलाई औषधी सप्लायर्सहरुलाई पनि भुक्तानी दिन नसकेका कारण उपचार सामाग्री नै नपाउने अवस्थाले उपचार रोकिने अवस्था आएको प्रतिष्ठानका रजिस्ट्रार प्रा।श्याम लम्सालले बताए । प्रतिष्ठानले औषधी सप्लायर्सलाई मात्रै १३ करोड ४२ लाख ५ हजार ५ सय ७८ रुपैयाँ तिर्न बाँकी रहेको जनाएको छ । प्रतिष्ठानले रसायन तथा सर्जिकल एशोसिएसन दाङका अध्यक्ष बालकुमार घर्तीलाई मात्रै ६ करोड रकम भुक्तानी दिन बाँकी छ । घर्तीले प्रतिष्ठानले भुक्तानी नदिए सर्जिकल तथा रसायन अस्पतालाई दिन नसक्ने बताए ।
उनले बैँक ऋण बोकेर उपचार सामग्री उपलब्ध गराएको तर प्रतिष्ठानले ६ करोड बक्यौता राख्दा अब औषधीजन्य वस्तु अस्पताललाई दिन नसक्ने बताए । आर्थिक समस्यालाई हल गर्न पहल गर्ने भन्दै दाङका राजनीतिक दलहरूले भने प्रतिष्ठानलाई सेवा नरोक्न आग्रह गरेका छन् ।
जिल्ला समन्वय समिती दाङका प्रमुख नित्यानन्द शर्मा, तुलसीपुरका मेयर टिकाराम खड्का, घोराहीका उपमेयर हुमा डिसि, दाङका प्रमुख जिल्ला अधिकारी कृष्णप्रसाद लम्साल, नेकपा एमालेका अध्यक्ष शिवकुमार आचार्य, नेपाली काँग्रेसका कोषाध्यक्ष प्रकाश सुवेदी, नेकपा माओवादी केन्द्रका सचिव विश्वराज आचार्य, राष्ट्रिय जनमोर्चाका अध्यक्ष गणेश आचार्य, नेकपा विप्लवका जिल्ला इन्चार्ज सविन पोख्रेल, नेकपा बहुमत अमर खड्का, मानवअधिकार सञ्जाल दाङका संयोजक केशवकुमार शर्मा, नागरिक समाज दाङका पुर्ब संयोजक चन्द्रराज पन्त, सचिव नारायण श्रेष्ठ, मानबअधिकार कर्मि जयानन्द शर्मा, चिन्तामणि पौडेल, जेष्ठ नागरिक सरोकार केन्द्रका उपाध्यक्ष हरिप्रसाद पाण्डे, तत्कालिन राप्ती उपक्षेत्रिय अस्पताल बिकास समितिका अध्यक्ष नारायणप्रसाद अधिकारी, बिश्वराज न्यौपाने, , पत्रकार शरद अधिकारी लगायतले उपचार रोकिन नहुने भन्दै रकम भुक्तानीका लागि पहल गर्ने प्रतिवद्धता जनाएका छन ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
