घोराही । घोराहीमा मोटरसाईकलको ठक्करबाट एक जनाको मृत्यु भएको छ । घोराही बजारबाट सर्रा तर्फ जाँदै गरेको लु ४५ प ७४२५ नम्बरको मोटरसाईकलको ठक्कबाट घोराही १६ निवासी ३८ वर्षिय नारायण पोख्रेलको मृत्यु भएको जिल्ला प्रहरी कार्यालय दाङले जनाएको छ ।
शुक्रबार साँझ साढे ९ बजेको समयमा सर्रास्थित सुप्रिद्धि टाटा स्वरुम नजिकै सडकमा हिडिरहेका पोख्रेलाई पाल्पाको माछागडी गाउँपालिका वडा नम्बर १ का तेज बहादुर रेश्मीले चलाएको मोटरसाईकले ठक्कर दिएको थियो । पोख्रेलेको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको हो भने मोटरसाईकल चालक रेश्मीको भैरहवामा उपचार भैरहेको छ। उनको अवस्था पनि गम्भीर रहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
