घोराही । गुरुकुल एकेडेमी घोराहीले आदिकवि भानुभक्त आचार्यको जन्मजयन्ती मनाएको छ । विद्यालयले शनिबार एक कार्यक्रमको आयोजना गरी नेपाली साहित्यका आदिकवि भानुभक्त आचार्यको २११औं जन्मजयन्ती मनाएको हो ।
शनिबारको दिन नेपाली लोकलयमा आधारित नेपाली रामायणका रचनाकार आदिकविको सम्झनामा बिभिन्न साहित्यिक गतिविधिको आयोजना गरि परम्परागत रुपमा मनाउँदै आएको जन्म उत्सव गुरुकुल एकेडेमीले सोही अनुरुप मनाएको हो । 
हरेक वर्ष भानुजयन्तीमा राष्ट्रिय विभूति भानुभक्तको तस्विरमा टिका तथा माल्यार्पण लगायत बिभिन्न गतिबिधि गरी मनाउदै आएको छ ।
१८७१ असार २९ गते (आजैका दिन) नेपाली साहित्यका आदिकवि भानुभक्त आचार्यको जन्म भएको थियो । उनको बुवाको नाम जन्म धनञ्जय आचार्य र आमाको नाम धर्मावतीदेवी हो। पिता धनञ्जय जागिरे हुँदा भानुभक्तको हेरचाह बाजे श्रीकृष्ण आचार्यबाट भएको थियो । भानुभक्तको १९२५ असोज ६ गते निधन भएको थियो । नेपाली साहित्यका प्राथमिक कालका प्रतिनिधि कविको रूपमा परिचित भानुभक्त वाल्मिकी रामायणका अनुवादकका रूपमा प्रख्यात छन् ।
भानुभक्तले ‘प्रश्नोत्तर’, भक्तमाला, बधुशिक्षालगायतका कृति लेखेका छन् भने उनका पाण्डुलिपीलाई सङ्ग्रह गरेर मोतिराम भट्टले पुस्तकाकारमा प्रकाशित गरेपछि उनी नेपाली साहित्यमा चिनिएको र उँहाको जन्मजयन्तीको निकै महत्वका साथै मनाउदै आएको नेपाली विषयका साहित्यकार तथा गुरुकुल एकेडेमीका प्रधानाध्यापक डा. कृष्णराज डिसीले बताउनुभयो ।
गुरुकुल एकेडेमीका प्रधानाध्यापक डा. कृष्णराज डिसिको अध्यक्षतामा भएको जन्मजयन्ती कार्यक्रममा विद्यालयका शिक्षक तथा विद्यार्थीहरुले आचार्यको तस्विरमा टिका तथा माल्यार्पण गरेका थिए । कार्यक्रमको सहजीकरण विद्यालयका शिक्षक मेघनाथ खड्काले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
