अमर क्षितिज भण्डारी
दाङ। दाङमा नदीले बगाउदा १ महिला बेपत्ता भएकी छन् भने एक महिलाको मृत्यु भएको छ । केहीबेर अघि बबई नदीले बगाउँदा तुलसीपुर १४ की २० वर्षिया सम्भना चौधरी बेपत्ता भएको ईलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो ।
बुधबार बिहान पौने ८ बजेको समयमा तुलसीपुर १४ मटेरा स्थित आफन्तको घरमा जाने क्रममा बबई नदीले बगाउँदा भएकी सम्झना चौधरी खोजी कार्य भैरहेको छ ।
त्यसैगरी दाङको तुलसीपुर उपमहानगरपालिका–३ मा खोलाले बगाउँदा एक जना महिलाको मृत्यु भएको छ । स्थानीय गोटिखोला तर्ने क्रममा तुलसीपुर ३ रानागाउँकी ५१ वर्षीय ताराकुमारी गुरुङको बगेर मृत्यु भएको इलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो ।
हिजो बेलुका खेतमा काम गर्दै गर्दा सोैच गर्न खोला किनारमा गएको समयम खोलाले बगाउँदा महिलाको मृत्यु भएको हो । हिजो बिहानै देखी भएको अविरल वर्षाका कारण दाङका खोलामा बाढी आएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
