घोराही । घोराही उपमहानगरपालिकाको नगर सभाको १५ औँ अधिबेशनमा पेश भएको आगामी आर्थिक बर्ष २०८१/८२ नीति कार्यक्रम सर्वसम्मतिले पारित भएको छ ।
यही असार २ गते नगर प्रमुख नरुलाल चौधरीले सभामा पेश गर्नुभएको ३३ पृष्ठको नीति कार्यक्रममा असार ४ गते नगरसभा सदस्यहरुको सुझाब लिई व्यापक छलफल गर्दै नीति कार्यक्रम सर्वसम्मतिले पारित भएको हो । समय र नागरिकहरुको माग तथा चाहना अनुसारको कार्यक्रमहरु ल्याउनका लागि सोही प्रकारले नीति अख्तीयार गर्नुपर्ने सुझाब आएको छ ।
नगरसभा सदस्यहरुले दिएको सुझाब र टिप्पणिमा नगर प्रमुखले जवाफ दिनुभयो । नगरसभामा नगर उपप्रमुख हुमाकुमारी डिसीले चालु आर्थिक बर्ष २०८०/८१ मा न्यायीक समितिबाट भएका सम्पादित कार्य विवबरण पेश गर्नुभयो । उप प्रमुख एवं न्यायिक समितिका संयोजक डिसीले गत आर्थिक बर्षबाट सरी आएका ३३ वटा र यस आर्थिक बर्षका १२० गरि १५३ वटा विवाद समितिमा दर्ता भएका थिए ।
ति मध्य १०४ वटा विवाद मेलमिलाप मार्फत किनारा लागेको छ भने ४९ वटा विवाद प्रकृयामा रहेको छ । यसैविच १५ औँ अधिबेशनको तेस्रो बैठक यही जेठ ९ गते दिउँसो २ बजे बस्ने गरि स्थगित भएको छ । उक्त बैठकमा नगर उपप्रमुख हुमाकुमारी डिसीले आगामी आर्थिक बर्षका लागि बजेट पेश गर्नुहुने भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
