कमल खड्का
होलेरी । रुन्टीगढी गाउँपालिकाको एक सामुदायिक विद्यालयमा स्मार्ट शिक्षा लागु भएको छ । रोल्पाको रुन्टीगढी गाउँपालिकाको वडा नं. ७ गैरामा रहेको श्री पशुपति प्राविमा उक्त शिक्षा शुरु गरिएको हो ।
रुन्टीगढी गाउँपालिकाका ५४ वटा विद्यालय मध्य सबै भन्दा पहिले उक्त विद्यालयमा स्मार्ट शिक्षा प्रारम्भ गरिएको छ । रुन्टीगढी गाउँपालिकाको आर्थिक सहयोग तथा विद्यालयको सक्रियतामा स्मार्ट शिक्षा सञ्चालन गरिएको हो । मंगलबार विद्यालय प्राङ्गणमा एक औपचारिक कार्यक्रम गरि स्मार्ट शिक्षा उद्घाटन कार्यक्रम गरिको हो ।
उद्घाटन समारोहमा बोल्दै गाउँपालिका अध्यक्ष जनक पुनले बढ्दो विज्ञान प्रविधिसँग शिक्षालाई जोडेर शिक्षाको गुणस्तर बृद्धि गर्ने उदेश्यले स्मार्ट शिक्षाको अवधारणा लिएको बताउनुभयो ।
त्यस्तै कार्यक्रममा बोल्दै सोही विद्यालयका प्रधानध्यापक महेन्द्र रोकाले स्मार्ट शिक्षा अलि बढी खर्चिलो भएपनि भाषागत सुधारमा टेवा पु¥याइ विद्यार्थीको ध्यानाकृष्ट गराई पठनपाठनमा सहज हुने बताउनुभयो । अहिले बालबालिकास र कक्षा १ मा स्मार्ट शिक्षा सञ्चालनमा ल्याइएको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
