दाङ दुर्घटनाका १२ जना घाइतेलाई हेलिकप्टरबाट काठमाडौं लगिएको छ ।
सबैभन्दा गम्भीर रोल्पाको परिवर्तन गाउँपालिका ४ का प्रकाश ओलीसहित १२ गम्भीर घाइतेलाई काठमाडौं लगिएको हो । नेपाली सेनाको हेलिकोप्टरबाट उनीहरुलाई लगिएको छ ।
उनीहरुसँग ४ जना आफन्त, एक चिकित्सक र एक नर्ससमेत गएका छन् । घाइतेहरुलाई विमानस्थल नलगी सोझै सैनिक मञ्च टुडीखेलमा झारेर वीर अस्पतालको ट्रमा सेन्टर लगिने रक्षामन्त्रीका प्रेस सल्लाहकार लोकेन्द्र केसीले जानकारी दिनुभयो ।
उनीहरुको उपचार खर्च सबै सरकारले ब्यहोर्ने प्रक्रिया अघि बढाइएको शिक्षामन्त्रीका प्रमुख सल्लाहकार जीवन गौतमले जानकारी दिनुभयो ।
घाइतेलाई हेलिकप्टरबाट लैजान सभामुख कृष्णबहादुर महरा, उपप्रधान तथा रक्षामन्त्री इश्वर पोख्रेल, शिक्षामन्त्री गिरिराजमणि पोख्रेल, ५ नम्बर प्रदेशका मुख्यमन्त्री शंकर पोख्रेललगायतले पहल गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
