शिक्षा, विज्ञान तथा प्रविधिमन्त्री गिरिराजमणि पोख्रेल दाङ आउनुभएको छ । शनिवार हुने विभिन्न कार्यक्रमका लागि उहाँ शुक्रवार साँझ दाङ आउनुभएको हो ।
शिक्षामन्त्री पोख्रेलले शनिवार विहान साढे ६ बजे सहिद आवासीय मावि वनकट्टामा विद्यार्थीसँग भेटघाट गर्ने कार्यक्रम छ ।
त्यस्तै ८ बजे नेपाल पत्रकार महासंघ दाङको सभाहलमा आयोजित पत्रकार भेटघाटमा सहभागी हुने, ९ बजे सहिद कृष्णसेन इच्छुक बहुप्राबिधिक शिक्षालय घोराही १७ को भवन शिलान्यास र ११ बजेट घोराही १४ स्थित प्रावि बालमन्दिरमा प्रादेशिक बिशेष विद्यालयको भवन शिलान्यास गर्ने कार्यक्रम रहेको उहाँका प्रमुख सल्लाहकार जीवन गौतमले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
