आलोक भावुक
गढवा । गढवाको बाकीमा १५ दिने नि:शुल्क ढकिया बुनाई तालिम आइतबार देखि सुरुभएको छ। गढवा गाउँपालिका वडा नम्बर ५ का वडाध्यक्ष लेखबहादुर थापाको अध्यक्षता तथा गढवा गाउँपालिका उपाध्यक्ष शारदा कुमारी चौधरीको प्रमुख आतिथ्यमा तालिमको उद्घाटन गरिएको छ।
गढवा गाउँपालिकाको आर्थिक सहयोग तथा ५ नम्बर ५ को आयोजनामा १५ दिने तालिम सुरु भएको हो। तालिमको प्रशिक्षकमा गढवा गाउँपालिका वडा नम्बर ५ सिकेको सीपलाई थप प्रवर्द्धन गर्न निरन्तर रुपमा लाग्न र आगामी दिनमा स्तर वृद्धिका लागि योजनासहित बजेट सुनिश्चित गर्न आफुु प्रतिवद्ध रहेको बताउनुभयो ।
तालिम सिकेर काम लाई निरन्तरता नदिए अन्य कुनैपनि तालिममा सहभागी हुन नपाउने हिसावले पालिकाले सोच बनाईरहेको बताउनुभयो। तालिम लिने काम नगर्ने यो तरिकाले तालिम उपलब्धिमुलक नहुने बताउदै उपाध्यक्ष चौधरीले सिकेको कुरा लाई व्यवसायीक रुपमा व्यवहारमा लागु गर्न सहभागी सबैलाई अनुरोध गर्दै १५ दिनसम्म निरन्तर तालिममा सहभागी हुन अनुरोध समेत गर्नुभयो।
तालिममा २५ जना सहभागीहरुले तालिम लिने छन्।
१५ दिने नि:शुल्क ढकिया बुनाई तालिमको उद्घाटन कार्यक्रम गढवा गाउँपालिका वडा नम्बर ५ का वडाध्यक्ष लेख बहादुर थापा, वडा सदस्यहरु निर्मला परियार, खिमा डाँगी, महिला बालबालिका तथा जेष्ठ नागरिक शाखाकी प्रेरणा चन्द, गढवा गाउँपालिका प्रेस संयोजक आलोक भावुक लगायतका सहभागिता रहेको थियो। कार्यक्रमको सहजिकरण ५ नम्बर वडा सचिव नविन कुमार सिंहले गर्नुभएको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
