निराजन सिर्पाली
रुकुमपूर्व । जिल्लाको सिस्ने गाउँपालिका वडा नम्बर -२ काे छिपखाेलामा आगोलागी हुँदा राजकुमार पुन गम्भीर घाइते हुनुभएको छ । एक्कासी वनमा आगाे लागेपछि आफ्नो घरगाेठ जाेगाउँदा पुनलाई आगाेले पाेलेकाे हाे ।
पुनको अहिले रुकुम पूर्व अस्पतालमा उपचार भैरहेको छ । आगाेले धेरै पाेलेकाले अझै अस्पतालमा कति दिन बस्ने भन्ने निश्चित नभएको घाइते पुनका श्रीमती लक्ष्मी घर्ती पुनले बताउनुभएको छ । उहाँका अनुसार आर्थिक अवस्था कम्जोर हुँदा अहिलेसम्म चलेको तर अबको दिनहरुमा औंषधि उपचार तथा खाना खर्चमा समस्या हुने बताउनुभएको छ ।
घाइते पुनकाे पनि सरकार पक्ष तथा सबै नेपाली दाजुभाइ तथा दिदिबहिनीहरुले सहयोग गरे आफु छिटो निकाे हुने अपेक्षा छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
