प्यूठान । जुनियर तथा यूवा रेडक्रस सर्कल माण्डवी मावि प्यूठानले जु/युरेस स्थापना दिवसको अवसरमा प्राथमिक उपचार विषयमा विद्यार्थी सचेतना कार्यक्रम आज सम्पन्न गरेको छ ।
युरेस उपाध्यक्ष विद्यार्थी फनि केसीकाे अध्यक्षता, विद्यालयका प्रअ एवं रेडक्रस संरक्षक मेघराज पाैडेलकाे प्रमुख आतिथ्यता साथै उक्त कार्यक्रममा माण्डवी गापा स्काउट आयुक्त शिवराज पण्डित र साेहि विद्यालयका अतिरिक्त क्रियाकलाप संयाेजक नन्दलाल भण्डारी बिशिस्ट अतिथि रहनुभएकाे थियाे ।
जाँ हेनरी ड्यूनाको तस्बिरमा माल्यार्पण, पुष्पागुच्छा अर्पण गर्दै सुरू भएकोमा कार्यक्रममा रेडक्रसकाे महिमा र रेडक्रसका आधारभूत सात सिद्धान्त बारे विशेष चर्चा गरिएको थियाे ।
रेडक्रस शिक्षक नायक पवन पाेख्रेलले प्राथमिक उपचार र त्यसकाे उदेश्य , आपतकालीन अवस्थामा स्वयंसेवकले निभाउनुपर्ने भुमिका , प्राथमिक उपचारमा नभईनहुने अत्यावश्यक सामग्री, पुर्व सावधानी जस्ता विषयहरूमा प्रस्ट पार्नुभएकाे थियाे ।
कार्यक्रममा विद्यार्थीहरूलाई विविध जानकारीमुलक पुस्तिका, आपतकालीन अवस्थामा के गर्ने भन्नेबारे, श्रब्यदृश्य मार्फत विभिन्न प्राथमिक उपचार गर्ने तरिकाहरू सिकाईएकाे थियाे । माण्डवी माविमा अध्ययनरत करिब १०० विद्यार्थी भाईवहिनीकाे सहभागीता रहेकाे थियाे ।
कार्यक्रमकाे सञ्चालन शिक्षक अमर आचार्यले गर्नुभएको थियाे ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
