रुकुम पश्चिममा चोरी गरेको पल्सर मोटरसाइकल सहित दुई युवालाई प्रहरीले पक्राउ गरेको छ । जिल्लाको मुसीकोट नगरपालिका ६ डाङडुङ्गेका २२ वर्षीय मुकेश रावल र १९ वर्षीय बसन्त रावललाई पक्राउ गरिएको प्रहरीले जानकारी दिएको छ ।
गत जेठ ९ गते राति जिल्लाको त्रिवेणी गाउँपालिका ६ माथिल्लो खाराका मनबहादुर घर्ती मगरको भे ८ प ९४१ नम्बरको मोटरसाइकल चोरेको आरोपमा उनीहरुलाई पक्राउ गरिएको जिल्ला प्रहरी कार्यालयका प्रमुख प्रहरी नायव उपरीक्षक सुमित खड्काले जानकारी दिनुभयो ।
पार्किङ गरि राखेको पल्सर मोटरसाइकल चोरी गरेर ओढारमुनी लुकाएर राखेको अवस्थामा बसन्तलाई गत १३ गते र मुकेशलाई १९ गते पक्राउ गरिएको डिएसपि खड्काको भनाई छ । मोटरसाइकल हराएको जानकारी आएपछि विशेष अनुसन्धान टोलीले ओढारमुनी लुकाएको अवस्थामा मोटरसाइकल सहित उनीहरुलाई पक्राउ गरेको बताइएको छ ।
उनीहरुलाई जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
