दाङ । राष्ट्रिय प्रजातान्त्रीक पार्टी दाङले यही पुष २७ गते घोराहीको पृथ्वी नारायण चोकमा विभिन्न कार्यक्रम गरि ३०२ औं पृथ्वी जयन्ती तथा एकता दिवस मनाउने बुधवार पत्रकार सम्मेलन गरि जानकारी दिएको छ ।
नेपाल एकीकरणका अभियन्ता पृथ्वीनारायण शाहको योगदान स्मरण गर्दै यो दिवस मनाउन लागिएको कार्यक्रम मूल आयोजक समितिका संयोजक किशोर कुमार न्यौपानेले बताए ।
१७७९ साल पुस २७ गते गोर्खामा जन्मिएका शाहले आफ्नो शासनकालमा चार दर्जनबढी साना साना राज्यलाई जोडेर नेपालको एकीकरण गरेका थिए ।
भौगोलिक रुपमा नेपाल एकीकरण गरेकाले शाहलाई राष्ट्र निर्माताको उपमा समेत दिने गरिएको छ । नेपालको भौगोलिक एकीकरणका लागि महत्वपूर्ण योगदान दिएका शाहको निधन विसं १८३१ माघ १ गते नुवाकोटको देवीघाटमा भएको थियो ।
ट्राफिक चोकबाट ¥र्याली सुरु गरि बजार परिक्रमा गरी पृथ्वी नारायण चोकमा पुगी दिप प्रज्वलन सहित विभिन्न कार्यक्रम गरि मनाउने संयोजक न्यौपानेले जानकारी दिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
