डोल्पाको दुर्गम गाउँमा सडक निर्माणका क्रममा माथिबाट पहिरो आउँदा दुइ जना मजदूर गम्भीर घाइते भएका छन् ।
रुकुम पश्चिमको आठबीसकोट नगरपालिका ५ गोतामकोटका वीरमान सार्की र आठबीसकोट नगरपालिका ३ स्यालाखदीका चक्रबहादुर देवकोटालाई उद्धार गरी नेपाली सेनाको हेलिकोप्टरले नेपालगञ्ज पु¥याएको छ ।
डोल्पाको शे फोक्सुण्डो ताल नजिकै सडक खन्ने क्रममा आज बिहान १० बजेतिर माथिबाट आएको पहिरोमा परेर सार्की र देवकोटा घाईते भएको प्रमुख जिल्ला अधिकारी मुकेशकुमार केशरीले जानकारी दिनुभयो ।
दुर्घटनालगत्तै पूर्वगृहमन्त्री जनार्दन शर्मा ‘प्रभाकर’को पहलमा नेपाली सेनाको हेलिकोप्टर पठाएर घाइतेहरुको उद्दार गरिएको छ ।
हेलिकोप्टरबाट उद्दार गरेर दुबै घाइतेलाइ नेपालगञ्ज पुर्याइएको प्रभाकरका स्वकीय सचिव श्रीकुमार कठायतले जानकारी दिनुभयो ।
घाइतेहरुको अवस्था गम्भीर रहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
