रुकुम (पश्चिम) सानीभेरी गाउँपालिका वडा नं १०का २०० घरपरिवारलाई ५० वाटको सोलार वितरण गरिएको छ ।
पहाडि साना किसानका लागि अनुकुलन आयोजना (आशा) जिल्ला समन्वय परिषद रुकुम पश्चिमको ७७ प्रतिशत अनुदान र उपभोक्ताको २३ प्रतिशत लगानीमा सोलार वितरण गरीएको हो ।
३६० घरपरिवार रहेको सानीभेरी वडा नं १० मा पहिले सोलार नभएका र विपन्न घरपरिवार छनौट गरी सोलार वितरण गरीएको छ । पहाडि साना किसानका लागि अनुकुलन आयोजना (आशा) कार्यक्रमको रु २० लाख १५ हजार १ सय ५० र उपभोक्ताको ६ लाख २० हजार गरी जम्मा २६लाख ३५ हजार १सय ५० रकमले सोलार सिस्टम खरिद गरिएको हो ।
पहाडि साना किसानका लागि अनुकुलन आयोजना (आशा)कार्यक्रमले बोलपत्र प्रकाशन गरी सबैभन्दा कम मूल्यमा एभरेष्ट इनर्जी प्रा.लि. छनौट मा परेको थियो । एक सेट सोलार सिस्टमको मूल्य १२ हजार ७ सय परेको लेखापाल भारती के.सी.ले बताइन ।
एभरेष्ट इनर्जी प्रा.लि. मार्फत ५० वाटको पानेल, ३५ एम्पियरको ब्याट्री र ५ वटा एल इ डी बल्ब र डिजिटल कन्ट्रोल सहितको सोलार सेट वितरण गरिएको छ ।
सानीभेरी गाउँपालिका १० का अध्यक्ष कर्णविर डाँगीको अध्यक्षतामा भएको सोलार वितरण कार्यक्रमको प्रमुख आथित्यता सानिभेरी गाउँपालिका नरबहादुर पुनले गर्नुभएको थियो ।
त्यस्तै उपाध्यक्ष इन्दिरा ओली, जलवायु विज्ञ रेविका गुरुङ, पत्रकार तथा वडा जनप्रतिनिधीको आथित्यता रहेको थियो । कार्यक्रमको संचालन आशा कार्यक्रमको सामाजिक परिचालक तेजबहादुर ओलीले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
