घोराही । १६औं गणतन्त्र दिवका अवसरमा
नेपाल विद्यार्थी संघ दाङले क्याम्पसस्तरीय हाजिरीजवाफ प्रतियोगिता गरेको छ ।
महेन्द्र बहुमुखी क्याम्पस घोराहीमा भएको प्रतियोगितामा देउखुरी बहुमुखी क्याम्पस प्रथम भएको हो ।प्रतियोगितामा प्रथम हुने क्याम्पसले ७ हजार ५ सय ७५ रुपैयासहित प्रमाणपत्र जितेको छ ।
त्यसैगरी प्रतियोगितामा महेन्द्र बहुमुखी क्याम्पस घोराही द्वितीय र केन्द्रीय आयुर्वेद विद्यापीठ बेलझुणी तृतीय हुन सफल भएका छन । द्वितीय हुने क्याम्पसले ४ हजार ५ सय ४५ रुपैयाँ र तृतीय हुनेले २ हजार ५ सय २५ पुरस्कार प्राप्त गरेको नेपाल विद्यार्थी संघ दाङ अध्यक्ष कुलराज पोख्रेलले जानकारी दिएका छन् ।
प्रतियोगितामा समसामयिक विषयबस्तु,राजनीति,भूगोल,बिज्ञान,बाताबरणलगायतका विभिन्न विषयहरुमा प्रश्न सोधिएको थियोे ।
प्रतियोगितामा दाङ जिल्लाका १५ वटा क्याम्पसहरुले सहभागिता रहेको थियो । नेपाल विद्यार्थी संघ दाङ अध्यक्ष कुलराज पोख्रेलको अध्यक्षतामा भएको कार्यक्रमको सहजीकरण जिल्ला सदस्य गुरु गौतमले गरेका थिए ।
फोटोग्राफीमा दक्ष महरा सिस्ने अनलाइनका फोटो पत्रकार हुनुहुन्छ ।
