केही व्यक्तिहरुले विभिन्न लोकप्रिय सञ्चारमाध्यमहरुको मास्टर हेड प्रयोग गरेर निर्वाचनको मौन अवधिमा अनर्गल प्रचार गरिरहेको पाइएको छ ।
ती सञ्चार माध्यमहरुले छाप्दै नछापेको झुटो समाचारलाई इन्स्पेक्ट गरेर सत्ता गठबन्धनका विरुद्ध आफूअनुकुल समाचार बनाइ सामाजिक सञ्जालहरुमा सेयर गरेको पाइएको छ ।
यसलाई नेपाली कांग्रेसले निर्वाचनको मुखमा विपक्षीहरु हारको मानसिकतामा देखिन थालेको बताएको छ । गठबन्धनका विरुद्ध उनीहरु झुटो र भ्रामक प्रचारमा उत्रनु हारको मानसिकता भएको भन्दै नेपाली कांग्रेसका प्रवक्ता डा प्रकाशशरण महतले त्यस्ता झुटा प्रचार र भ्रममा नगर्न अपिल गरे ।
लभउबतयउ
निर्वाचनको मौन अवधीमा एमाले निकटका ब्यक्तिहरुबाट विभिन्न लोकप्रिय सञ्चारमाध्यमको मास्टरहेड समेत दुरुपयोग गरेर अर्नगल प्रचारबाजी गरेको भन्दै महतले कडा आपत्ति जनाए ।
‘कांग्रेसले कुनै गोप्य सर्कुलर गरेको पनि छैन, गर्दा पनि गदैन, निर्वाचनको मौन अवधिमा विपक्षीबाट आएका यस्ता भ्रामक समाचारको पछि नलाग्न म आम मतदाता, पार्टीका कार्यकर्तालाई अपिल गर्न चाहन्छु । यसबारेमा पार्टीले छिट्टै विज्ञप्ती निकालेर खण्डन गर्नेछ, साझा पोष्टसँग कुरा गर्दै कांग्रेस प्रवक्ता महतले भने, ‘यो विपक्षीहरुको हतास मानसिकता हो । उनीहरुको हारको मानसिकता हो । हामी गठबन्धनमा एकढिक्का छौं, कसैले भ्रमको खेती गरेर आत्मरतीमा नरमाए हुन्छ ।’
उनले आफूहरु गठबन्धनमा एक ढिक्का रहेको र यस्ता भ्रामक समाचारले प्रभाव नपार्ने भन्दै एक ढिक्का भएर गठबन्धनका उम्मेलवारलाई मतदान गर्न पनि अपिल गरे ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
