रुकुम पश्चिम रुकुम जिल्ला अदालतमा कार्यरत तामिलदार नविन खड्का मृत फेला परेका छन् । रुकुम पश्चिमको मुसीकोट नगरपालिका–४, सोलाबाङ घर भएका २८ वर्षीय खड्का आज विहान घर नजिकैको पानी बगिरहेको कुलोमा मृत फेला परेका हुन् ।
आज विहान शव भेटिएपछि स्थानीयले प्रहरीलाई खबर गरेका थिए । खड्काको शव लागि जिल्ला अस्पताल सल्लेमा पोष्टमार्टम गरिएको थियो । खड्काले आइतबार राती अत्याधिक मदिरापान गरेको प्रारम्भिक अनुसन्धानबाट खुलेको जिल्ला प्रहरी प्रमुख प्रहरी नायव उपरीक्षक सुमित खड्काले बताउनुभयो ।
उहाँका अनुसार घटनाबारे थप अनुसन्धान भैरहेको छ । केही समय रुकुम पूर्वको रुकुमकोट जिल्ला अदालतमा काजमा काम गरेका खड्का एक महिना अघि मात्रै रुकुम जिल्ला अदालतमा आएका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
