दाङको गोरखा इन्टरनेशनल पब्लिक स्कूल घोराहीले लुम्बिनीको उत्कृष्ट विद्यालयको अवार्ड प्राप्त गरेको छ ।
कलेज रिडर्सले दुबईको शेराटन होटलमा कार्यक्रम गरी गोरखा माविसहित ३५ विद्यालय तथा कलेजहरु र १६ शैक्षिक उद्यमीहरुलाई उच्च प्रतिष्ठित नेपाल एजुकेशन अवार्ड दुबई २०२२ बाट सम्मानित गरेको हो ।
सो संस्थाले गोरखा मावि घोराहीलाई वर्षको उत्कृष्ट विद्यालय (लुम्बिनी प्रदेश) अवार्ड प्रदान गरिएको छ । विद्यालयका प्रिन्सिपल मानसिंह घर्तीलाई सो अवार्ड प्रदान गरिएको हो ।
वर्षको शैक्षिक नेताको रुपमा गोरखा ग्रुपका अध्यक्ष मानबहादुर बुढालाई लाइफटाइम अचिभमेन्ट अवार्ड प्रदान गरिएको छ । 
नेपाल बिजनेस काउन्सिल दुबईका अध्यक्ष डा. आसिफ अली सिद्दिको प्रमुख र दुबई सरकारका सहसचिव मोहम्मद हुसेन विशेष आतिथ्यमा कार्यक्रम भएको थियो ।
पोखरा विश्वविद्यालयका रजिस्ट्रार प्रा. डा. दिपकबहादुर भण्डारीको नेतृत्वमा रहेको नेपाल एडुकेशन अवार्ड (२०२२) को जुरी टिमले उत्कृष्ट विद्यार्थी र कलेटको छनौट गरेको थियो । डेढ दशकभन्दा बढी समयदेखि नेपाली शिक्षामा सेवा गर्दै आएका विद्यालय तथा कलेजहरूबारे वस्तुनिष्ठ रूपमा कलेज रिडर्सले अनुसन्धान गर्दै , विज्ञ र शिक्षाविद्हरूको सल्लाहमा मूल्याङ्कन मापदण्ड बनायर निम्न विद्यालयरकलेज र शैक्षिक उद्यमीहरूलाई सम्बन्धित पुरस्कारका लागि चयन गरिएको आयोजक जनाएको छ ।
कार्यक्रमको अध्यक्षता कलेज रिडर्सका मुख्य सम्पादक तथा केन्द्रीय हिसानका उपाध्यक्ष रामहरि सिलवालले गर्नुभएको थियो भने कार्यक्रमको कलेज रिडर्सका संरक्षक तथा हिसानका केन्द्रीय सदस्य भवानीप्रसाद पौडेलले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
